Jólin eru samsæri til að fólk gleymi að fylgjast með og hætti að fræða sig. Skuldirnar sem stofnað er til halda fólki uppteknu fram að páskum. Páskarnir eru sams konar samsæri, sömu skuldir vegna ferminganna. Þá kemur að sumarleyfum sem eru augljóst samsæri til að láta fólk halda að það sé frjálst.
Þess vegna er öllum smalað í skóla á haustin því það vantaði samsæri þá.
Líttu bara á námsskránar; það er troðið í fólk upplýsingum sem það þarf ekki að nota og gert lítið úr þeim sem reyna að smíða nýjar upplýsingar, enda gæti það fólk fattað að jólin eru samsæri. Hringurinn er fullnaður.
Tíminn er spíralsamsæri til að endurtaka fyrrnefndu samsærin.
Ef þú sérð þetta ekki þá ert þú dáleidd(ur) af uppréttum manneðlum – í gegnum menntakerfið og sjónvarpið. Þær geta falið sig með skynvillu. Þetta síðasta er frá David Icke. Hann er samsæri til að halda þeim uppteknum sem sjá í gegnum fyrrgreint samsæri.
