Þetta er glósa sem ég vona að verði óþörf næstu áratugi, en sé hún nauðsynleg gæti verið gott að hafa hana. Að mér gengnum bið ég eftirlifendur að hafa þetta í huga:
- Komi prestur nærri útför minni mun ég ganga aftur og ofsækja þá sem bera á því ábyrgð. Þó trúaður sé þá hata ég skipulögð trúarbrögð eins og pestina.
- Forfeður mínir kusu bálför ef þess væri kostur. Við Bakkakot í Skorradal er bezti staður hér á jörð, þar handan við ána er kirkja.
- Félagar mínir í hundasport.is og nánustu vinir vita hvað gera skal við dýrin mín. Ekki má undir neinum kringumstæðum hleypa blóðfjölskyldu minni nærri dýrum mínum.
- Ég hef minni áhuga á ræðum og minningargreinum og því meiri áhuga á vandaðri tónlist og gleði. Listi yfir þá tónlist sem mér hugnast best er neðst.
- Stutt er betra en langdregið og veisla er betri en minningarathöfn. Betra væri fólki að syngja og dansa en að hlusta á sálmagaul og minningartal.
- Skrif mín segja allt um mig sem segja þarf, en ljóð á borð við “Road less traveled”, “The Raven” og “The Captain of my Soul” hafa merkingu í mínum eyrum (þó leiðast mér ljóð).
- Ef einhverjar veraldlegar eigur má meta til fjár vil ég að þeim sé ráðstafað til hlutlausrar starfsemi í anda dýravelferðar, veikra barna eða skapandi menntunar. Mér hugnast lítt að eftirlifandi aðstandendur hagnist á dauða fólks.
Sem fyrr segir eru þetta minnisglósur sem vonandi lifa lengi ónotaðar.
Mörg skrifa minna fjalla um hættuleg efni í stjórnmálum og trúmálum. Ennfremur virðist mér létt að vekja reiði í samtíma mínum, sérstaklega hjá yfirborðsheilögu fólki.
Því er mikilvægt að vinir mínir viti að þessi færsla er til. Sérstaklega þar sem ég á enga fjölskyldu og er alls ekki í þeim hugleiðingum að verða aftur hluti slíks.
Tónlist
- Lifnar aftur við, eftir Grétu Salóme, er besta lag í heimi.
- Elizabeth “Susan” Erens er eina konan sem getur flutt lagið Argentina eftir Andrew Lloyd Webber.
- Elizabeth “Susan” Erens hefur einnig flutt lag sem heitir “I belong to me”.
- Faithless gerði lag sem ég fæ aldrei leið á en það heitir “We come one” en margir textar Rollo í Faithless enduróma hjá mér. Tarantula, Tweak your nipple og Salva Mea.
- Eitt lag er öðrum lögum fegra sem heitir “Ísland er land þitt”.
- Lagið “Án þín” er eitt af fegurri lögum enginn síngur það þó eins og Eivör.
- Gethsemane eftir Andrew Lloyd Webber í flutningi Steve Balsamo er eitt af mínum uppáhalds.
- Not afraid með Eminem á sérstakan stað í sál minni.
- Níunda Symfónía Beethovens er tær snilld.
- Pachelbel Canon framkallar göfgi kyrrðarinnar.
Síðast uppfært í desember 2014.