Enn fleiri hafa minnt á það. Enn fleiri muna vel hvaða spilling kom þar fram. Enn fleiri vita hvað nú er í gangi og hefur verið árum saman. Ég læt mér viturra fólk telja það upp.

Ef þú trúir ekki að landvættirnir eða móðir þeirra Fjallkonan séu til, þá hvorki trúirðu myndinni á skjaldarmerki hins svonefnda Lýðveldis þíns né ímyndinni sem röflar yfir þér á afmælisdegi Jóns Sigurðussonar sem Lýðveldismafían heldur upp á ár hvert síðan 1944.

Sömu viku og afmælisdagur þjóðar þinnar er. Sömu viku og afmælisdagur beins lýðræðis er. Sömu viku og afmælisdagur 39 sjálfstæðra héraðsþinga er. Sömu viku og þín þjóð hélt hátíðlega við hverjar sumarsólstöður í meira en fjórar aldir.

Þú baðar þig í orðagjálfri og kosníngapípi frekar en heiðri og dyggð þjóðar þinnar. Þú hefur meiri hug á að vernda bankaklíkuna sem á þig en þjóðinni sem fæddi þig. Þú hefur meiri áhuga á blaðri en dug.

Ég fyrirgef þér og ætla að láta mér þykja vænt um þig. Eins og óþekkan þverlyndan krakka. Því ég trúi á eitthvað sem er merkilegra en uppþornað ímyndunarafl þitt skilur.

Hún er sú að göfgi mannsandans sé myrkri hans meiri og að minn andartaks draumur í fljóti þess góða í mannsins sál sé þess virði að greiða því braut. Minn vilji og mín trú er að reisa með þeim sem deila þessari sýn þann lampa sem gerir manninn þess virði sem hann vonar að hann sé.

Öll heimsins auðæfi, markmið, meiningar, orðastagl og mælingar eru mér einskis virði, því þessi sýn er kompás og vilji sálar minnar nú, áður og verður; og er það minn sáttmáli við hinar heilögu nornir Urrði Verðandi Skuld að bogni ég á þessu skeiði, kem ég sterkari inn aftur, og okkur fjölgandi fer sem lampann reisa.